Məni atıb gedən oğlana vəfasızlıq etdim. Gülməli səslənir elə deyilmi? Əvvəl o məni atıb getdi. Mən də düz bir il gözlədim onu. Sonra mənə dəyər vermədiyini, məni saymadığını düşünüb bir anlıq hirslə bir oğlana cavab verdim. Peşmanam amma geri yolum yoxdur. Olsa belə qayıtmazdım. Elə davranır ki, elə bil hər şeyin günahı məndədir. Özündə heç bir günah görmür. Mən onu günahlandırmıram, amma istərdim ki, özünü bir az da mənim yerimə qoysun. Bu bir ildə mənim çəkdiklərimi bəlkə də heç kim çəkməyib. Onu elə sevirəm ki... indi qorxuram. Bu məhəbbət bütün həyatımı alt-üst etdi. Özümü məhv etdim. Məhv etməyə də davam edirəm. Davam edəcəyəm də, o günə qədər ki, artıq yer üzündə heç kimə inamım qalmayacaq. O günə qədər ki, ürəyim tamam daşlanacaq.
  Nə isə.. Bir dənəm sənə bircə sözüm var. Bilirəm bu yazımı oxumayacaqsan. Amma yenə də yazıram. Səni hələ də dəlicəsinə sevirəm. Ömrüm boyu sevəcəm. Bilirsən niyə vəfasız çıxdım? Yadındadır? Həmişə sənə deyirdim ki, sənə yalvarmaqdan qorxuram. Bax, sənə yalvarmamaq üçün bu addımı atdım. Sənin heç nədə günahın yoxdur. Tək günahkar mənəm və bu günahımın cəzasını özüm özümə verəcəm. Sən də, bütün tanışlarda eşidəcək bu cəzanın səs-sədasını. Hamınız eşidəcəksiniz. Son bir işim qalıb bu dünyada. Onu da həll edib.. Nə isə.. Əlvida.. Səni ölənəcən sevəcəm...

Məqalə azerionline səmimi etiraflar səhifəsindən götürülmüşdür